Është betuar qeveria e re e kryeministrit Kyriakos Mitsotakis në Greqi, pas fitores së partisë Neo Demokracia në zgjedhjet e të dielës.
Ministrat dhe zëvendësministrat e qeverisë, të cilët u betuan sot para Presidentes së Republikës, Katerina Sakellaropoulou, u deklaruan të gatshëm për të marrë përgjegjësitë e tyre.
Sipas mediave të huaja, në sallë ishte edhe kryeministri Kyriakos Mitsotakis, ndërsa ministrat u betuan nga Kryepeshkopi Hieronymos. Menjëherë më pas, ministrat janë drejtuar në ministritë përkatëse për ceremoninë e dorëzimit dhe pritjes nga paraardhësit e tyre.
Betimi u bë në prani të familjarëve të ministrave në një atmosferë gëzimi dhe emocioni.
Olga Kefalogianni ishte një nga të parat që mbërriti në dhomën e kredencialeve. Ministrat qëndronin përpara dhe zëvendësministrat pas. Megjithatë, Makis Voridis, Giorgos Gerapetritis, Vassilis Spanakis dhe Panos Tsakloglou u gjendën në rreshtat e pasmë.
Gjatë ceremonisë pati gjithashtu shkëmbime puthjesh e përqafimesh mes të pranishmëve.
